يالي تقول المرأة عن ميئة رجال

السلام عليكم ورحمة الله وبركاته

هذه قصيده من قصايدي التي ارددها دام ولها مناسبه خاصه عند كاتبها

اترككم مع القصيده

يالي تقول ان المرأه عن مية رجـال
وشلـون قلتهـا يارعـي الجهـالـه

لا تحسبنا نسكت عن الخطـأ لنقـال
ونعديها لـك بكـل يسـر وسهالـه

حنا من الي نحسم الامر في الحـال
ونعلـم الخبـل ياقـف عـن خبالـه

نعلمـه ان جنسنـا جنـس ابـطـال
وانهـم راعيـن للوفـاء والشكالـه

والجنس الي تقول عنه عن مية رجال
نفخر بهـم لكـن كـلا لـه اعمالـه

ذكرهم في القران محـدد الخصـال
لا انا ولا انـت نقـدر نبـدل بدالـه

جنس طاهر عفيف يضرب بهم امثال
في النعومه والحلا والجمال بشكالـه

جنس نحبهـم وحبنـا لهـم مـازال
محفوظ في القلب ولا يمكن اهمالـه

والحياه والله بدونهـم مالهـا كمـال
وبدونهم يعيش الرجل بهمه وغربالـه

سبحان من سخرهم لنا يربون اجيـال
يربون ناس راعين احترام ورجالـه

مهو انت تغلط وتهرج هرج جهـال
لين عرفت ان هرجك ماهو رجالـه

يوم عرفت طبعك طبع رخوم وانذال
عديتك ياورع ضمـن نـاس حثالـه

انا الي اسمي يطري على كـل بـال
والي له مع رجال المواجيـب قالـه

انا الي اجيبك عندي ياصبـي بريـال
وعلمك منهو كايد ووشهـي افعالـه

وختامها علموا ضعيف النفس والحال
يكف الهرج ويقصر الشر اشواله

تحياتيــ